محاورة بين نواف العازمي وعمر الخالدي

نواف :
الليله الملعبه فيها نزاع" شديد ..... والزمل تربط يديها في عراقيبها
يالخالدي حرك المسباح والعب بعيد ..... هذيل نعرف مذاهبها واساليبها

عمر :
حنا بشهر اثنعش هجري وبايام عيد ..... واللي تقرب حبال الشك ماليبها
يالعازمي وش تمنا بالزمن وش تريد ..... العافيه شيلها والثانيه سيبها

نواف :
النا هدف في معانينا وبعض القصيد .... أعرف هدف كلمتي قدام أغنيبها
ماتزعل الناس لين ألمس خشوم العبيد ..... واهل المشاعيب تفزع في مشاعيبها

عمر :
ربّي يبارك بعمرك يالوليد الرشيد ..... ويش الدعاء بالصلاة اللي تصلّيبها
لا تقرب السيف طمعة خالد ابن الوليد ..... والبندقه يبصر الرامي مضاريبها

نواف :
في جنب مسجد رسول الله جنونك تزيد ..... وانا بكتّف جنونك في سراديبها
ماينقل السيف رجل أبله وقلب" بليد ..... والموس يقرب من اللحيه واشانيبها

عمر :
مجنون ليلى عشق فيه الدواء مايفيد ..... واللي تبي عزها تخضع لخطّيبها
الاوله روّحت والثانيه بالرصيد ..... تسرحبها ياولد عازم وتضويبها

نواف :
كل" يقول الحديد اللي يفكّه حديد ..... وانا أعرف الليله اللي عاوي" ذيبها
تراي ماسمعك كرر كلمتك من جديد ..... واعيّفك بالجبال اللي تعديبها

عمر :[b][flash(20,2)][/flash]
ماني مسمي نبيل شعيل عبدالمجيد ..... واضيّف حروب في حلّة معازيبها
الموت يمشي مع ابن آدم بحبل الوريد ..... والنفس ماتعرف المقسوم ويصيبها

نواف :
كل" براسه ظفر وعلوم مانت الوحيد ..... مار أصبر شوي لين الله يسويبها
ماني مجامل وانا خابرك شاعر عنيد ..... لين انها بيننا تصفي مشاريبها

شكراً لك اختي على مرورك