الآدمي ضيف والدنيا معازيبه

السلام عليكم ورحمة الله وبركاته

هذي قصيدة للشاعر المعروف / سعود القت المطيري /



قال الذي قاس من ماضي تجاريبه =
له مدةٍ صفحة الماضـي يراجعهـا
الوقت مـادوم صافيـةٍ مشاريبـه =
لابد من ساعـةٍ تشكـى مواجعهـا
الادمي ضيـف والدنيـا معازيبـه =
والضيـف لازم معازيبـه يودعهـا
لو شاف من ثغرها بسمه وترحيبه=
لابد روحه ملاك المـوت نازعهـا
شيٍ كتب في سجله لازم يصيبـه =
اقـدار الامـه مـوقـةٍ مدافعـهـا
واللي تذم البخت وانتـه تسابيبـه =
مقياس جيد السلع جـودة مصانعهـا
ما كـل طيـرٍ يعشنـه مخاليبـه =
ولا كل لقمه تسـد لجـوع جايعهـا
كم مستريبٍ ولا بانت بـه الريبـه =
وكم من نزيهٍ عبات الشـك قنعهـا
السيل غير مساره عـن مساريبـه =
روس الخليقه مشت مع درب تابعها
بيت الشكـالات مرخـيٍ فطانيبـه =
اهل الودايع تخلـت عـن ودايعهـا
ولاعاد للبعض لاقيمـه ولاهيبـه =
من يـوم بعيونهـا بـادت طبايعهـا
وصار القياس الحقيقي للرجل جيبه=
والناس شالت ضررها في منافعهـا
من زاد ماله لزوم تزيد اصاحيبـه =
لو صملته لا لفحها القيـض ميعهـا
ومن قل ماله تبا تكثـر عذاريبـه =
لو كان لا كبرت الدعـوى يسنعهـا
يقل سعر الفشـق سبـت مكاذيبـه=
وتوزن حمول الاصايل من تهجرعها
والرجل ما يشبل الا في ذواهيبـه =
ماهو عصا للبشـر ويـرد تايعهـا
مايعترض كلمةٍ ماطلعـت شيبـه =
بضاعـةٍ بيـن سايمهـا وبايعـهـا
من يعترض في نحاة السيل ينحيبه=
لو كان نفسـه هواهـا مايزعزعهـا
رحاة جاشٍ برمها الوقت ولهيبـه =
وفاعت هجوس الفكر من حر لايعها
من صلوها قلط الكيف لشواريبـه =
فنجال من دلـةٍ مالوقـت طايعهـا
عقدٍ من اللول منظـوم اللواعيبـه =
في جيد من ذيروها مـن مراتعهـا


.