ديوان الشاعر/ حمّاد مريزيق البشري

بسم الله الرحمن الرحيم


هنا توضع قصائد الشاعر الكبير / حماد مريزيق البشري :



تـوّي دريـت ان الوقايـه خيـر مـن طـب الطبيـب..وإن التجـارب يستفيـد الـلـي يحـفـظ دروسـهـا
لـو كـان مضمونهـا راس الفتـى بــدري يشـيـب..كنـز الحكـيـم الـلـي يفـصّـل للـرجـال لبوسـهـا
خـبـرة نجـيـب ٍ يصقـلـن بنـودهـا فـكـر اللبـيـب..يعرف خيارالنـاس بالحكمـه وسـوس ضروسهـا
ماينخدع بالمنطـق الجـذاب والشكـل العجيـب..يضحـك بسـنـه والمظـاهـر يتـقـي مدسوسـهـا
اضرب مثل يفرق بسومه طالب الراي المصيـب..فـي سـوق ماتنفـع بــه التـجـار كـثـر فلوسـهـا
سـوق ٍ ليـارد البـرا بالسيـف والرمـح العطـيـب..حـار المعاضـي بالـدواء والريـح هـبـت كوسـهـا
ولاحت شبوح الخوف بعيون الهبود المستريـب..والارض شربـت مـن لهايبهـا نضـيـح رسوسـهـا
هاك النهار يشاف قـدر السيـف ضـداد الحريـب..الـلـي يـقـص يـديـن عـدوانـه ويـقـطـع روسـهــا
والدار يطلـع فـرق حاميهـا الاصيـل مـن الربيـب..والخيـل اصايلهـا يجيبـه فـرق عــن جاموسـهـا
والا مواقيـت الرخـا يبـدي بـهـا النـجـم ويغـيـب..الرحـلـه الـلـي بالمـواقـف ينـجـلـي كابـوسـهـا
دنيـا كـفـا الله شـرهـا كـلـن لسيـدهـا حبـيـب..لوكـان لـه شتفـا تقـد كبـودهـم فــي موسـهـا
الكل منهم يلتمس لـه عـذر الأقصـى والقريـب..يصبـر عـلـى عـوجـه وكتـفـه ينـحـدر ويبوسـهـا
مايـدري ان الـهـون ماللـعـز فــي ثـوبـه نصـيـب..وإن المعـالـي للـرجـال الـلــي تـعــز نفـوسـهـا
لوعـاش واحدهـم حياتـه كلهـا فـي قـوت ذيـب..أخـيـر مــن جـنـة نعـيـم استعـبـدوه نجـوسـهـا
هـذا الكـلام اللـي لـو انـه مـر وإدراكـه صعـيـب..من منطلق صدق وحقيقة روح بيض حسوسها
لكن يلبس تاجها حيّي(ن) علـى الدنيـا غريـب..لـه شوفتـن ماهـي قريّـب يتعبـون عسوسـهـا
ترى شعور الزيـف والتطفيـف مصـدر كـل عيـب..الصفحـه اللـي مــن وبـاهـا يحـتـرق قاموسـهـا





ضاقـت الدنيـا برجلـي ياأهـل المعـمـوره......لــي ثـمـان أيــام كـنـي بالـبـلاد لحـالـي
مالـقـيـت الـلــي يـزاورنــي غــــلا وأزوره......العـرب حطّـو جهدهـم بالحـطـام البـالـي
والسعي في مطلب الرزق الحلال بدوره......عـزة ٍ للمستعـف مـن أفضـل الأعمـالـي
وإنقطـع حبـل المواصـل ماتطـيـر طـيـوره......نقطـة ٍ مثـل الصـدأ بالقـلـب مــا تنـزالـي
يالغريب اللـي تبـي لـك سنّـة ٍ مهجـوره......مابقـى منهـا علـى دنـيـا التكـاثـر تـالـي
غير مع شخص ٍ من الغربه فقد جمهـوره......مـا يبيـع الغاليـه فـي مكسـب الـدّلالـي
الشريفــه محتميهـــا بغيبتـه وحضـــوره......يوم لبست مع هـواة المغريات إسمالـي
ليـت مـاصـارت عـقـب روّادهــا محـضـوره......فــي زمــان ٍ توّجـوبـه للفـقـيـد هـلالــي
آه مــن قـلـب ٍ تثـيـره بالخفـايـا شـعـوره......كـل ماسجّيـت قضّبنـي طـريــقٍ خـالــي
معـزل ٍ ذيبـه شــدى بلحـونـه المـجـروره......تـو قتيلـه مـن هجـوس القلـب ياعـذالـي
في خيالـه عـاد للماضـي بفكـري صـوره......مستحيـل تـعـود لــو إنــه يـعـود الجـالـي
رحلـة ٍ مـن دونهـا يكتـب علـى السبـوره......جملة ٍ ياما أرخصت عقـب المـوّده غالـي
وإلا أنـا كملـت فـي بقعـا شـروط الـدوره......الليالـي كــد سقتـنـي مـرّهـا والحـالـي
الـدروس اللـي بقـت بالـذاكـره محـفـوره......مثـل نـقـش ٍ بالحـجـر تـذكـار للأجيـالـي
الحقـايـق مــا تـظـم أحـلامـنـا المـنـثـوره......غـايــة ٍ مضـمـونـهـا ياطـيـبـيـن الـفـالــي
الحقيقـه شـي واقـع والخيـال إسـطـوره......فرقـهـن لمرجحـيـن الكـيـل بالمكـيـالـي

الله اللـي كـل سيّـد تحـت حكمـه مسيـد...أستجـيـره عــن شــرور الخـلايـق وأعـبـده
مالك الرّحمه وباسه علـى الظالـم شديـد...مـنـزّل وبــل المـطـر مــن بـروقــه ورعـــده
كــل وجــه ٍ غـيـر وجـهـه ولــو خـلّـد يبـيـد...ما تشيل السّبع والسّبـع فـي قبضـة يـده
بعـد ذكـره شـف بالـي مـن المعنـى فريـد...جوهـرة بيـت ٍ علـى الصلـب طقّيـت وتـده
من هجـوس ٍ زادت الحبـل أبـو عقـد اتعقيـد...حـدر غيـم ٍ يسبـق السّـيـل بالـقـاع بــرده
لـو توسّـق نـاوتـه بــاس رأس ٍ مــن حـديـد...خلّتـه يـجـري كـمـا الـمـاء وتنـحـل عـقـده
ثـــوّراً صـلـفـات الأريـــاء بـركــان الـنـشـيـد...وإستهاض الفكـر مـن فيـض غيظـه ونكـده
الله أكـبـر يـازمـان ٍ بــك المـسـيـود سـيــد...السبـب فـي ضيـق صـدري وهمّـه ونكـده
حلم مـدري علـم الأزهـار بعـذوق الهضيـد...مـا بقـى إلا تنقلـب شجـرة الــرّاك جـعـده
غرّنـي مـن رمـعـة الفـكـر شيـطـان ٍ مـريـد...ضحكة الزّيـف حجبـت غـش قلبـه وحقـده
كيـف أحـط المنتـسـب بـايـر الـذّمـه وديــد...إستحقيـت النّـصـف مـنـك يانـفـس لـهـده
مـا قطـع حبـل الثّقـه غيـر أبـو جـدّه وجيـد...الصّـنـيـعـه كـنّـهــا لــــو تـعـدّتــه شــهــده
لـو يطيـب الظـن فـي غيـر طيّـب مـا يفيـد...الــرّدي لــو يـاخـذ الكـيـل بالـصـاع جـحـده
والكـلام بـلا حقايـق صــدى الـهـزلا صـديـد...حي بسـم وجسـم لا كـن ضميـره بلحـده
من نسم بعض الأوادم يبـس خضـر الجريـد...والبنـاء لـولا هـل الشّتـف مـا كـثـر هــدده
مـا يـذم النـاس محـمـود بالخـلـق وحمـيـد...كـود مـن بيتـه بـكـف القـفـاء قــص عـمـده
الأوادم مــن عبـدهـم نـســي رب العـبـيـد...لو سكن سطح القمر عاش عمـره بزهـده
حالم إنه قاضب إنصـاب سيـف إبـن الوليـد...وإن طلبنـاه النـقـاء ضــاع بـأسـه وجـهـده
مـا درى إنـا عارفيـن العضـيـر مــن النجـيـد...وكل ضرس ٍ كـد خذينـا مـن القـوم سـدده
ضدّنـا عــن حـدّنـا كــن فــي رجلـيـه قـيـد...إن سـلـم مـنّـا كـهـل ورّث الـخـوف ولـــده
مـا تضـيـع حقوقـنـا مــع جـنـب وإلا عقـيـد...والخـوي والجـار معنـا شـذا العـود سـعـده
ولا نجـازي راعـي الطّـيـب بإنـكـار وجحـيـد...بـالـوفـاء رجّـالـنـا كلـمـتـه مــثــل عــهــده
قالهـا اللـي فـي عزاتـه رفـع صوتـه يشيـد...يــوم عــز الـحــر مـــن عـــز ربـعــه وبـلــده
عزوتي (حرب)أهل الباس والسّلم المجيد...كم حريـب مـن عياهـم طنـا الـرأس فقـده

الله لايهينك ياسوار الذهب